Nyimbo Cia Agendi – Kikuyu SDA Hymns

Hymn 140 O Ruciini Nituonaga Lyrics

1
O rũciinĩ nĩtuonaga, Maũndũ meerũ ma wendo,
Tũgitagĩrwo nduma-inĩ, Kinya rũciinĩ twokĩra.

2
Gwakĩa maũndũ no meerũ, Tha, wega, o na ũgima,
ũhonokio, na kuoherũo, Meciiria mega, gĩkeno.

3
Tũngĩĩrutanĩria rĩu, gũthĩĩna mũthiĩre mwega,
Ngai nĩarĩtuonagia, marĩa marĩmũkenagia.

4
Maũndũ maitũ ma thĩ ĩno, Ngai nĩakamerũhagia,
Akagarũra mathĩĩna, matuĩkage kĩraathimo.

5
Marĩa tũngĩĩkĩra Ngai, O na me manyinyi mũno,
Nĩmaiganu harĩ Ngai; Nĩmagatũteithagia.

6
Wee Ngai hĩndĩ ciothe, tũteithagie maũndũ-inĩ,
Mĩthiĩre iitũ ĩtuĩke; ũrĩa tũrĩkũhooyaga.