kamba hymns Mbathi sya Kumutaia Nga
Hymn 95 YESŨ NĨWOOKIE KŨŨ NTHĨ
1
Yesũ nĩwookie kũũ nthĩ
Akyũma kwake ĩtunĩ:
Ĩvukunĩ nĩtũsomaa
Ũndũ waĩ mwana wa Ngai.
2
Nĩwaendie mĩsyĩ mũno
One awau na anyamai;
Onthe makĩmũthengeea,
Nake akĩmavosya vyũ.
3
Na ĩndĩ, amatavisye
Ũvoo wa wendo ũũ wa Ngai:
Ũndũ wamaekee naĩ,
Na ũndũ ũmasũvĩaa.
4
Ĩndĩ andũ maleile,
Makĩmũkwata mamũae,
Makĩmwamba vau mũtĩnĩ
Matesĩ aĩ Mwovosya woo.
5
Ti atĩ aĩ mũthũku,
Ndaĩ na ĩvĩtyo nongi;
Ĩndĩ eetĩkĩla kũkw’a
Kana atwovosye ithyĩ.
(Amen)