kamba hymns Mbathi sya Kumutaia Nga

Hymn 213 NGĨKALA ŨVOONĨ

1
Ngĩkala ũvoonĩ, kana nĩ thĩnanĩ,
Yĩla woo mũnene wooka,
Na woo ona wĩva, namanyie vyũ,
Ve ũvoo ngoonĩ yakwa oyũ.

ChorusVe ũvoo ngoonĩ kwakwa yu,
Ve ũvoo ngoonĩ yakwa oyu.

2
Na noona satani aindata mũno,
Ngalilikana ũndũ ũũ,
Yesũ ambonie, na angwĩĩa nyie,
None thayũ nthakamenĩ yake.

3
Mawathe makwa onthe,
Yesũ oosa n’andekea;
Akw’a vandũ vakwa, nĩtw’ĩke wake,
Taĩa Ngai! Taĩa Ngai ngoo yakwa.

4
Na yũ nĩngweteela andwae ĩũlũ,
Ndikethw’e na w’ia vaa nĩĩ,
Ngyuma kũkũ nthĩ ngeew’a nthĩnĩ wa ngoo
Wasya wake, aingethya, nũvoo.
(Amen)