kamba hymns Mbathi sya Kumutaia Nga

Hymn 116 NĨTWINEI NA ŨTANU MWINGĨ.

1
Twinei na ũtanu mwingĩ tũkathei Mwĩaĩi,
Nĩwambiwe mũtĩnĩ nũndũ wa naĩ sitũ.
Nĩwatiie ũsumbĩ ooka kũtũmantha,
Etĩkĩlile kũkw’a nũndũ wa naĩ sitũ.

2
Yesu nĩwasilĩlwe nĩ asumbĩ ma nthĩ
Andũ athe na ‘lei nĩmamũvũthisye
Asikalĩ ang’endu nĩmamũkũnie,
Mamwĩkĩie ngovia ya mĩw’a mũtwenĩ.

3
Namo nĩmamwambie Yesũ Mwana wa Ngai,
Mamwambie mũtĩnĩ vamwe na andũ athe;
Mamũthekeie mũno moona ambĩtwe,
Ethĩwa wĩ Mwana wa Ngai ndwĩtangĩĩe mwene.

4
Yesũ nũnũkũlya mwanya ngoonĩ yaku,
Ndũkethwe na ngoo nyũmũ Yesũ nũkwendete;
Ũka kwa Mwĩaĩi Yesũ wose thayũ mana,
Ethwa nũkũmũlea ũkathi mwakinĩ
(Amen)