Littafin Wakoki Hausa Hymns

Hymn 88 Ubangiji, Muna Gaisuwa Lyrics

1
Ubangiji, muna gaisuwa,
Mun gaishe ka, Sarkinmu,
Kai mai shan wahala tamu,
Kai mai cika cetonmu,
Kai, bayanin ƙaunar Uba,
Yesu, Dan Maɗaukaki,
Naka suna mu ke kira,
Yesu Ubangijinmu.

2
Kai ka kau da zunubanmu,
Rauninka dominmu ne,
Mutuwarka ta sayi ranmu,
Kai ne Mai Cetonmu dai.
Can dominmu ka ke roƙo,
Kana shirin gidanmu,
Kana jiranmu da ƙauna,
Yesu Ubangijinmu.

3
Kome girman sunan kowa,
Ba zai kai ga naka ba.
Kome yawan daɗin duniya
Ba ya kai ga daɗinka.
Baki ba ya iya faɗi,
Kunne ba ya iya ji,
Ko misalin naka daɗi,
Yesu Ubangijinmu.

4
Tara manyan duniya duka,
Duk da yawan girmansu,
Har mala’iku na Sama,
Ba su kai ka girma ba.
Ko har abada bayinka
Muna yi ta yabonka,
Dukan yabo sai ya kasa,
Yesu Ubangijinmu