Littafin Wakoki Hausa Hymns

Hymn 563 Yau Ranar Murna Ce Lyrics

1
Yau ranar murna ce ga mu masu bin Yesu
Domin jinkansa, da alherinsa
Sai ku zo mu yi tsale, mu ɗaukaka Allah Uba
Domin ƙaunarsa, a garemu
Domin cetonsa, ta wurin Yesu ɗan Allah
Solo: “Sai ku zo.”

KORUS
Sai ku zo mu yi murna
Mu ɗaukaka Allah Uba
Mu miƙa godiyarmu
Ga Allah mai kamnar duniya
Solo: “Sai ku zo.”

2
An haifi Yesu a Baitalahmi
Daga budurwa, Maryamu
Aka haife shi, a cikin garke
Aka naɗe shi…, cikin tsummoki
Shi ke ɗan Allah, mahalicin Sama da kasa
Solo: “Sai ku zo.”

3
Ruhun Yahweh, yana a kansa
Ya rufe shi da rigar adalci
Ya aiko shi…, don ya kawo yanci
Ga waɗanda, ke cikin zunubi
Don Ya bamu rai, na har abada abadin
Solo: “Sai ku zo.”