Littafin Wakoki Hausa Hymns

Hymn 329 Ya Yesu, Rijiyar Kwanciyar Rai Lyrics

1
Ya Yesu, rijiyar kwanciyar rai,
Sunanka ta’aziyya ne.
Kome wahalar duniya,
Kome kuwa fushin magauta,
Zuciyata ba ta ƃaci ba,
Na ƃuya cikin sunanka.

2
Sunanka gwanin daɗi ne,
Faranta zuciya ya ke yi
Ko raina duk ya duhunta,
Har ya fi dare duhu ma,
Duhuna sai shi warwatse,
Sunanka tashin rana ne.

3
Kome na rasa, ga shi nan,
Maganin kome Yesu ne.
Ban damu da talauci ba,
Ban mai da tsiya kome ba.
Tun da ban rasa Yesu ba,
Raina ya kwanta lafiya.

4
Abin da ya same ni duk,
Raini ko wulakanci kuwa,
Ƙanƙanci, kunya, damuwa,
Zalunci, ɗauri, kisa ma,
Ba zan ji tsananinsu ba,
Yesu zai tsare zuciyata.

5
Gafarar dukan laifina,
Ikon rinjayar halina,
Sakankancewar ƙaunarka,
Salama ba ta duniya ba,
An kintsa dukan cetona,
Ya Yesu, cikin sunanka.