Efik Hymns Lyrics
Hymn 6 Efiori ke ndaresit Lyrics
6
1. Efiori ke ndaresit,
Kpukpru nti owo,
Eno Oboŋ; k’edi ikwo
odotde mbufo.
2. Etaŋa enyiŋ esie
Ke edinen ido;
Ekwo ke obufa ikwo,
Ye okposoŋ uyo.
3. Koro iko Abasi Ibom
Edide edinen;
Ye kpukpru utom esie
Enye anam ekem.
4. Enye ama eti ido,
Ye edinen utom;
Ofuri isoŋ oyoho ye
Mfon Abasi Ibom.
5. K’ iko, Abasi akanam
Enyoŋ; ye ke uyo
Ek’inua Esie, ŋkpo
Emi edude do.
6. Enye esin mmoŋ ke inyaŋ
Oboho oto kiet;
Onim kpa ndituŋo mmoŋ
kpasuk nte k’ubet.
7. Yak kpukpru mmo k’isoŋ ebak
Abasi Ibom eti;
Yak ererimbot ekekop
Uteŋe esie.