Efik Hymns Lyrics
Hymn 52 k’erikono ke eto Lyrics
52
1. K’erikoŋo ke eto,
Ke akwa ubiak oro;
Anie owo edi enye
Ek’ iyip oworode?
Mmo ewai enye k’ikpa,
Ye ŋkukim anyanya;
Ke idiok mkpa oro,
Jesus christ, edi afo.
2. K’erikoŋo ke eto,
Ke akamba but oro;
Anie owo edi enye
Ek’ ebeŋede, ete,
‘Dahado, ete, no mmo!’
Ke otu mme utib’ ŋkpo,
Se utin odip iso;
Jesus christ, edi afo.
3. K’erikoŋo ke eto,
Ke idiok mkpa oro;
Anie owo edi enye
Eke okpo esie
Mmo enimde ke udi,
Enye k’edikem ini,
Abiatde ke odudu?
Jesus christ, edi afo.