Efik Hymns Lyrics
Hymn 51 Wat di, wat di k’uteŋ’ obon Lyrics
51
1. Wat di, wat di k’uteŋ’ oboŋ
Hosanna, kprukpru mmo ekwo;
Suŋ-suŋ oboŋ, nam uduak fo,
Ke mmo eduo ke ukot fo.
2. Wat di, wat di k’uteŋ’ oboŋ,
K’uteŋe, wat di ndikpa;
Idara fo mfin, oboŋ
Akan idiok, akan mkpa.
3. Wat di, wat di k’uteŋ’ oboŋ;
Mme angel efede k’enyoŋ,
Ese isoŋ k’mkpa idem,
y’uwa afo onode ete.
4. Wat di, wat di k’uteŋ’ oboŋ
Ini akpatr’ utom ekem;
Ete fo k’ebekpo uboŋ,
Ke ebebet eyen esie.
5. Wat di, wat di k’uteŋ oboŋ,
K’uko y’ubom wat di ndikpa;
Tuak ibuot no ubiak mkpa,
Ndien uboŋ edi okuo.