መዝሙር 431 አዲሲቱ ኢየሩሳሌም የዘፈን ግጥሞች
Sibhat LeAmlak The Ethiopian Evangelical Church Mekane Yesus. vertsion 2009
፩፡ አዲሲቱ ኢየሩሳሌም
ተሠርታለች በላይ፥
በዚያ ሰላምና ደስታ፥
ስጠኝ አምላኬ ሆይ።
በዚህ በምድር ግን ፍርሃት
ሁከትም በዝቶአል፥
ቢቀልም እንኳ መከራ
ድካምም ሞልቶአል።
፪፡ እንዲህ ከሆነ ሁልጊዜ
ወደ ኢየሩሳሌም፥
ብናፍቅ አያስደንቅም።
ብመኝ አይገርመኝም
ቤቴ እና ዝምድናዬ፥
ትውልዴም ከዚያ ነው።
ግን በዚህ በእግንድነቴ
ደስታ የለኝም።
፫፡ በእውነት የቸር አምላክ ልጅ
ልሆን ተወለድሁኝ፥
ከሰይጣን ኃይል ከሕግም ፍርድ፥
አርነት ወጣሁኝ።
በኢየሱስ ክርስቶስ ለነፍሴ፥
መዳን ካገኘሁኝ፥
የአምላክ ልጅ በጸጋው ነኝ፥
ባዕድ አይደለሁም።
፬፡ ሊያድነኝ በመስቀል ላይ
በሞተው አምኜ፥
በሰጠኝ ጸጋ ውስጥ ልኑር፥
እርሱን ተማጥኜ።
በአብ ዘንድ አማላጅ ሆኖ፥
ከቆመ ስለኔ፥
በርሱ ሲያየኝ ጻድቅ ነኝ
በርሱ በመድኀኔ።
፭፡ ግን በምግባር በሕግ ሥራም
ሊድን ለሞከረ፥
ስለርሱ መድኀኑ ሲሞት፥
በከንቱ ነበረ።
በእምነት ጻድቅ እንዲድን
ነብዩ ነገረ፥
በክርስቶስ ሞት ሙሉ መዳን
ለሁሉም ተገኘ።
፮፡ ስለኔ ነፍሱን ለውጦ
ፍጹም በወደደኝ፥
በኔ ሳይሆን ግን በክርስቶስ
በእምነት ሕያው ነኝ።
ከእርሱ ጋር ተሰቅዬ
መናኝ በዓለም ነኝ።
የዓለም ወዳጅ ለመሆን፥
ምን ምክንያት አለኝ።
፯፡ ወዳምላክ ከተማ ስደርስ
ከምድሩ ሥቃይ፥
ዕረፍት ሰላምም ደስታም
ይሰጠኛል በላይ።
ልቅሶ ማጣጣር ጩኸትም
አይኖርም በሰማይ
ሌትም አይሆንም ያምላክ በግ
ነው ያገሩ ፀሐይ።
፰፡ በእንጨት የተሰቀለውን
መድኃኒት ካመንሁ፥
በምድር የሚወደደውን
መሻት ትቻለሁ።
አንድ ነገር ብቻ ፈልጌ
እርሱን ተመኘሁ፥
ወዳንቺ ኢየሩሳሌም
ለመግባት ናፈቅሁ።